Монгол цэргийн өдрийг угтан Шүүхийн шийдвэр гүйцэтгэх ерөнхий газрын харьяа Өвөрхангай аймаг дахь Шүүхийн шийдвэр гүйцэтгэх газрын “Ахлагчийн зөвлөл”, аймгийн цэргийн штабтай хамтран хүүхэд залуучууд, өсвөр үеийнхэнд цэрэг-эх оронч үзэл хүмүүжлийг төлөвшүүлэх зорилгоор ерөнхий боловсролын сургуулийн сурагчдын дунд цэрэг эх орны сэдэвт АХА тэмцээнийг зохион байгууллаа.
Тэмцээнд 6 сургуулийн 80 гаруй сурагч оролцож, мэдлэг чадвар, авхаалж самбаагаа сорин өрсөлдсөнөөс нэгдүгээр байрт “Мэргэд” сургуулийн сурагч Ш.Эрдэнэсүрэн, хоёрдугаар байрт О.Маргад-Эрдэнэ, гуравдугаар байрт “Тэмүүлэл-Эрдэм” сургуулийн сурагч Г.Сайнбуян, тусгай байрт “Мэргэд” сургуулийн сурагч Б.Одбаяр, Ерөнхий боловсролын 4 дүгээр сургуулийн сурагч Б.Дөлгөөн нар тус тус шалгарлаа.
