Шүүхийн шийдвэр гүйцэтгэх ерөнхий газрын харьяа Өвөрхангай аймаг дахь Шүүхийн шийдвэр гүйцэтгэх газар хамт олны эв нэгдэл, урам зориг, эерэг уур амьсгалыг бүрдүүлэх, алба хаагчдын авьяас чадварыг нээн илрүүлэх зорилгоор “Хөгжилтэй хамт олон” тэмцээнийг зохион байгууллаа.
Тус тэмцээнийг “Кино сан” сэдвийн хүрээнд зохион байгуулсан бөгөөд алба хаагчид 6 багт хуваагдаж, сугалаагаар таарсан киног жүжигчилсэн хэлбэрээр бэлтгэн үзүүлэх, кинонд дуу оруулах, киноны дууг таах гэсэн 3 төрлөөр өрсөлдлөө.Нийлбэр дүнгээр нэгдүгээр байрт дэслэгч С.Норовсүрэн ахлагчтай “Баатар ван” баг шалгарлаа.
