Шүүхийн шийдвэр гүйцэтгэх ерөнхий газрын харьяа Өвөрхангай аймаг дахь Шүүхийн шийдвэр гүйцэтгэх газар нь 2024 оны 1 дүгээр улирлын Тайлангийн хурал, сахилга, ёс зүйн ёс зүйн зөвлөгөөн зохион байгууллаа.Зөвлөгөөнөөр тус газрын тасгийн дарга бөгөөд ахлах шийдвэр гүйцэтгэгч, хошууч М.Ганбаяр 2024 оны 1 дүгээр улирлын салбар ёс зүйн хорооны тайлан, 2 дугаар улирлын төлөвлөгөөг танилцууллаа.
Мөн үеэр тус газрын нийт алба хаагчдын олонхын саналаар 2024 оны 1 дүгээр улирлын дүрэмч жагсаалч, ёс зүйтэй алба хаагчаар шалгарсан тогооч, ахлах ахлагч Х.Пүрэвдоржид баяр хүргэж, урамшууллаа.Зөвлөгөөний хүрээнд Өвөрхангай аймгийн цагдаагийн газрын замын цагдаагийн зохицуулагч М.Дэлгэрбаяр “Эрүүгийн хууль болон Зөрчлийн тухай хуульд орсон нэмэлт өөрчлөлт анхаарах асуудал”;Өвөрхангай аймгийн Нийгмийн даатгалын газрын үйлчилгээний тасгийн дарга Ч.Бурмаа “Цэргийн алба хаагчийн тэтгэвэр, тэтгэмжийн тухай хуулийн хэрэгжилт”;Өвөрхангай аймгийн татварын газрын татварын улсын байцаагч Ц.Даваасүрэн “Хувь хүний орлогын албан татварын тухай хуулийн хэрэгжилт” сэдвээр тус тус мэдээлэл өглөө.
